وصفة وجدية بامتياز ( تَقنْتا )

وصفة وجدية بامتياز ( تَقنْتا ).

                                

تقنتا وصفة كنحضروها فاش كتولد المراة كتقدم مع التمر وسلّو.بعد منكونوا قدمنا بركوكش.

هي تؤكل مع التمر ومع الخبز كذلك.نتمنى تجربوها.

نحتاجو لنصف لتر زيت يوضع فطنجرة الضغط على نار مهيييلة حتى تسخن مزيان ونضيفو الدقيق واحنا نحركوا،راه تقريبا تحتاج 800غ نبقاو نحركوا بملعقة خشبية وعلى نار مهيلة.

منتوقفوش على التحريك باش الدقيق ميتحرقش،كتستغرق مدة لازم نصبرو معاها ومنحبسوش التحراك،حتى يرجع لونها بني فاتح نطفيو النار حيت كيرجع عليها الصهد وتزيد تتحمر.نخليوها تبرد.

ناخدوا الكاوكاو نحمروه ونطحنوه ،نضيفوه على تقنتا ونحركو حتى تتخلط مزيان،ثم نضيفو السككر صقيل بحسب الذوق وجنجلان محمر ونخلطوا كلشي مزيااان.وهاهي واجده بالصحة والعافية.

ملاحظة:فاش تحتافضي بتقنتا غادي تلاحضي أنّ الزيت طلعات الفوق ، متزولهاش ولكن فاي وقت بغيتي تاكلي منها خلطيها مزيان باش تنسجم من جديد.كنحتفضوا بيها مدة مكتخسرش.